बस्दै राष्ट्रिय सभा बैठक, नागरिकता विधेयक पारित हुने सम्भावना
हाम्रा कुरा
प्रकाशित २०७९ भदौ १६ बिहिबार
1.2k
Shares
काठमाडौं । राष्ट्रिय सभाको बैठक आज बस्दैछ । दिउँसो ३ बजेका लागि बोलाइएको बैठकमा राज्यका निर्देशक सिद्धान्त, नीति र दायित्वको कार्यान्वयन, अनुगमन तथा मूल्यांकन समितिको वार्षिक प्रतिवेदन पेस गर्ने सम्भावित कार्यसूची रहेको संघीय संसद सचिवालयले जनाएको छ ।
त्यस्तै बीमा विधेयक २०७५, सार्वजनिक ऋण व्यवस्थापन विधेयक २०७६, पशु स्वास्थ्य तथा पशु सेवा परिषद् विधेयक, २०७६ माथि विचार गरियोस् भन्ने प्रस्ताव, शहरी क्षेत्र सार्वजनिक यातायात व्यवस्थापन प्राधिकरण विधेयक, २०७६ माथि प्रतिनिधि सभाबाट भएको संशोधनउपर विचार गरियोस् भन्ने प्रस्ताव प्रस्तुत गर्ने कार्यसूची रहेको छ ।
बैठकमा आजै राष्ट्रपतिले फिर्ता पठाएको नागरिकता विधेयक पारित हुने सम्भावना छ । हिजोमात्रै विधायन समितिले हुबहु पारित गरिसकेको छ ।
यसअघि गत आइतबार नागरिकता विधेयक संसदमा प्रवेश गरेको थियो । गृहमन्त्री बालकृष्ण खाँडले विधायन समितिमा छलफलको प्रस्ताव गरेपछि संसदले स्वीकृत गरेको थियो ।
त्यसपछि सोमबार विधायन समितिमा छलफल भएको थियो । बिहीबार विधायन समितिले पारित गरेको थियो ।
