चोलेन्द्रको महाभियोगबारेको बयान सकियो, सोधियो ४३ प्रश्न

महाभियोगको लहरो

चोलेन्द्रको महाभियोगबारेको बयान सकियो, सोधियो ४३ प्रश्न

उनले आक्षेप लगाएका व्यक्तिहरुलाई पनि छलफलका लागि बोलाउने समितिको निर्णय

हाम्रा कुरा

प्रकाशित २०७९ भदौ २८ मंगलबार

काठमाडौं । महाभियोग सिफारिस समितिले निलम्बित प्रधानन्यायाधीश चोलेन्द्र शमशेर जबरासँग बयान सकेको छ । गत १ फागुनमा प्रतिनिधि सभामा जबराविरुद्ध महाभियोग प्रस्ताव दर्ता भएको थियो ।

प्रस्ताव दर्ता भएसँगै प्रधानन्यायाधीशबाट निलम्बनमा परेका जबरासँग १५ भदौबाट प्रतिनिधि सभा अन्तर्गतको महाभियोग सिफारिस समितिले बयान लिएको हो । जबरासँग बयान लिन समितिले ४३ वटा प्रश्न तयार गरेको थियो ।

मंगलबार ८ वटा प्रश्नको जवाफ लिएसँगै समितिले जबरासँगको बयान सकेको हो । पाँच दिन दिएको बयानका क्रममा आफूमाथि लगाइएको महाभियोग प्रस्तावको औचित्य नै सकेको दाबी गर्दै उनले सर्वोच्च अदालतका न्यायाधीश, अधिवक्ता, राजनीतिज्ञमाथि विभिन्न आक्षेपसमेत लगाएका छन् ।