अमेरिकी र क्यानडाली युद्धपोतहरू दोस्रो पटक ताइवान स्ट्रेटमा

हाम्रा कुरा

प्रकाशित २०७९ असोज ५ बुधबार

काठमाडौं । अमेरिकी नौसेनाको युद्धपोत र क्यानाडाली फ्रिगेटले मंगलबार ताइवान स्ट्रेट मार्फत यात्रा गरेका छन् । बेइजिङ र ताइवानबीच तनाव बढेका बेला आफ्ना युद्धपोतले ताइवान स्ट्रेट हुँदै यात्रा गरेको दुबै राष्ट्रको सेनाले जनाएको छ।

अमेरिकी नौसेना जहाजले एक महिनामा यो दोस्रो पटक यस क्षेत्रबाट यात्रा गरेको हो भने, संयुक्त राज्य अमेरिका र क्यानाडाद्वारा संयुक्त रूपमा गत अक्टोबरपछि एक वर्ष भन्दा कम समयमा भएको यो दोस्रो ट्रान्जिट हो ।

आफ्नो सेनाले जहाजहरूलाई चेतावनी दिएको बताउँदै चीनले भने यो मिसनको निन्दा गरेको छ । हालका वर्षहरूमा अमेरिकी युद्धपोत र कहिलेकाही बेलायत र क्यानडालगायतका देशको युद्धपोतले स्ट्रेटबाट यात्रा गर्ने गरेका छन् ।