- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुसी राष्ट्रपति भ्लादिमिर पुटिनले बुधबार आंशिक सैन्य परिचालको घोषणा गर्दै १८ वर्षदेखि ५० वर्षउमेरका पूर्व सैनिक एवं यस्ता तालिम लिएका रिजर्भ सैनिकलाई युक्रेन युद्धमा पठाउने घोषणा गरेका थिए । उनले तत्काल ३ लाख सैनिकलाई युक्रेन युद्धमा पठाउने बताएका थिए ।
पुटिनको यो घोषणापछि युद्धमा पठाउन सक्ने सम्भावित वर्गमा परेका पुरुषहरुले रुस छोड्न थालेको समाचारहरु आएका छन् ।
जर्जियासँगको सीमाबाट युद्धमा नगएर भाग्न खोज्ने पुरुषहरू सहित सवारी साधनहरूको केही किलोमिटर लामो लाइन नै बनेको बीबीसीले रिपोर्ट गरेको छ ।
यद्यपि, रुसले लडाकु उमेरका पुरुषहरू भागेको रिपोर्टहरू अतिरंजित गर्नका लागि बनाइएको समाचार भएको भनेको छ । छिमेकी देशमा जानेहरूमध्ये केहीले कारहरूको लाइनलाई बाइपास गर्न र पैदल यात्रा गर्न प्रतिबन्ध बेवास्ता गर्न साइकल प्रयोग गरेका छन्।
यी मध्ये नाम नबताउन चाहेका एक जनाले बीबीसीकी नीना अख्मेटेलीसँग बोल्दै रुस छोड्नुको कारण आंशिक परिचालन भएको बताएका छन् । उनले रुस छोड्न आफूले १२ घण्टा पर्खेकोसमेत बताएका छन् । जर्जिया रुसीहरूले भिसा आवेदन नदिई प्रवेश गर्न मिल्ने केही छिमेकी देशमध्ये एक हो ।
त्यस्तै रुसीहरूलाई यात्रा गर्न भिसा आवश्यक पर्ने अर्को छिमेकी देश फिनल्यान्डको रुससँग एक हजार तीन सय किलोमिटर सीमा जोडिएको छ।
उक्त देशमा प्रवेश गर्ने ट्राफिकमा पनि रातभरि वृद्धि भएको बताइएको छ। तर त्यो व्यवस्थित स्तरमा रहेको जनाइएको छ।
यस्तै क्रेमलिनको सैन्य परिचालनसम्बन्धी घोषणा लगत्तै हवाईमार्गबाट पुग्न सकिने अन्य गन्तव्यहरू इस्तानबुल, बेलग्रेड तथा दुबईलगायतमा जाने टिकटको मूल्य ह्वात्तै बढेको बताइएको छ ।