किभ। रुसमा सामेल हुनको लागि स्व–शैलीको ‘जनमत सङ्ग्रह’को लागि भोट सङ्कलन गर्न देशका कब्जा गरिएका भागहरूमा सशस्त्र सेना घर–घर गएको युक्रेनीहरुले बताएको बिबिसीले जनाएको छ। ‘तपाईँले मौखिक जवाफ दिनुपर्छ र सिपाहीले पानामा जवाफ चिन्ह लगाउँछ र राख्छन्’, एनरहोडरकी एक महिलाले बिबिसीलाई भनिन्।
दक्षिणी खेरसनमा रुसी सुरक्षाकर्मीहरू जनताको मत सङ्कलन गर्न सहरको बीचमा मतपेटिका लिएर उभिएका बताइएको छ। घर–घरमा मतदान ‘सुरक्षा’ का लागि भएको रुसी सञ्चार माध्यमहरूले प्रचार गरेका छन्।
विज्ञहरूका अनुसार पाँच दिनसम्म चल्ने स्वघोषित जनमतसंग्रहले रुसलाई युक्रेनका चार ओगटेका वा आंशिक रूपमा कब्जा गरिएका क्षेत्रहरू गैर कानुनी रूपमा आफ्नो दाबी गर्न अनुमति दिनेछ।
अमेरिकी राष्ट्रपति जो बाइडेनले जनमतसंग्रहको निन्दा गरे। रुसीले अन्तर्राष्ट्रिय कानूनको उल्लङ्घन गरी बल प्रयोग गरेर युक्रेनको भागहरू गाभ्ने प्रयास गर्ने ‘झुटो बहाना’ भएको बताए।
