फास्ट ट्र्रयाकबाट नेटो सदस्यता लिने युक्रेनको घोषणा

हाम्रा कुरा

प्रकाशित २०७९ असोज १४ शुक्रबार

काठमाडौं । युक्रेन राष्ट्रपति भ्लादिमिर जेलेन्स्कीले शुक्रबार युक्रेनले नेटो सैन्य गठबन्धनको फास्ट ट्र्याक सदस्यताको लागि औपचारिक रूपमा आवेदन गरिरहेको र किभ मास्कोसँग वार्ताका लागि तयार रहेको तर राष्ट्रपति भ्लादिमिर पुटिनसँग नभएको बताएका छन् ।

पुटिनले मास्कोमा चार आंशिक रूपमा कब्जा गरिएको युक्रेनी क्षेत्रहरूलाई रुसी भूमिमा संलग्न भएको घोषणा गर्नको लागि एक समारोह आयोजना गरेपछि युक्रेनी नेताले एक भिडियो टिप्पणीमार्फत यस्तो टिप्पणी गरेका हुन् ।

'हामी नेटोमा द्रूत पहुँचको लागि युक्रेनको आवेदनमा हस्ताक्षर गरेर हाम्रो निर्णायक कदम चालिरहेका छौं,' जेलेन्स्कीले टेलिग्राममार्फत एक भिडियोमा भनेका छन् ।

भिडियोमा जेलेन्स्कीले निर्णय घोषणा गरेको र त्यसपछि उनका प्रधानमन्त्री र संसदका सभामुखले एउटा कागजातमा हस्ताक्षर गरेको देखाइएको छ। 'युक्रेन वार्ताका लागि तयार छ, तर अर्कै रुसी राष्ट्रपतिसँग', जेलेन्स्कीले भनेका छन् ।