युक्रेन नजिकको रुसी सैन्य तालिम केन्द्रमा बमबारी, ११ को मृत्यु १५ जना घाइते

हाम्रा कुरा

प्रकाशित २०७९ असोज ३० आइतबार

काठमाडौं । बन्दुककारीहरूले युक्रेनी सीमा नजिकको रुसी सैन्य तालिम केन्द्रमा गोली चलाएपछि ११ जनाको मृत्यु भएको र थप १५ जना घाइते भएको रुसी रक्षा मन्त्रालयले जनाएको छ ।

दक्षिण पश्चिमी बेलगोलगोरोड क्षेत्रमा शनिवार भएको यो आक्रमणलाई रुसले आतङ्ककारी हमला भनेको छ । पूर्व सोभियत रिपब्लिक अन्तर्गतका दुई हमलाकारीहरूले गोली चलाएको जवाफी कारबाहीमा उनीहरू मारिएको रुसले जनाएको छ ।

रुसी राष्ट्रपति भ्लादिमिर पुटिनले युद्धमा सैन्य परिचालनको आदेश दिएपछि यस्तो घटना घटेको हो । यस्तै रुस र क्रिमिया जोड्ने एक मात्र रणनीतिक महत्त्वको पुलमा भएको विस्फोटको हप्तापछि यो आक्रमण आएको हो ।

रक्षा मन्त्रालयको विज्ञप्तिमा भनिएको छ,'स्वैच्छिक रूपमा युक्रेन विरुद्धको विशेष सैन्य अभियानमा भाग लिने इच्छा व्यक्त गर्ने व्यक्तिहरूसँगको बन्दुक हतियार प्रशिक्षण सत्रको क्रममा, आतङ्ककारीहरूले युनिटका कर्मचारीहरूमाथि साना हतियारले गोली हाने।'