काठमाडौं। युक्रेनको राजधानी किभमा सोमबार बिहान हवाई आक्रमणका साइरन बज्दा कम्तीमा तीन वटा विस्फोट भएको आवाज सुनिएको छ ।
स्थानीय समय अनुसार बिहान ७ बजे विस्फोट भएको सोही सहरमा रहेका बीबीसीका पल एडम्सले जनाएका छन् । ती मध्ये एक विष्फोटको आवाज शहरको केन्द्र नजिकै सुनिएको बताइएको छ ।
यसअघि शहर व्यस्त रहने बेला रुसले मिसाइल आक्रमण गर्दा कम्तीमा १९ जनाको ज्यान गएको एक सातापछि फेरि विष्फोटको घटना भएको हो ।
रुसी राष्ट्रपति भ्लादिमिर पुटिनले गत साता रुसले कब्जा गरेको क्रिमियासँग जोड्ने प्रमुख पुलमा भएको बम विष्फोटको बदलास्वरुप सो आक्रमण भएको बताएका छन्, जसको दोष उनले युक्रेनलाई लगाएका छन् ।
यो युद्धको क्रममा पहिलो पटक किभको केन्द्रलाई प्रत्यक्ष रूपमा निशाना बनाइएको थियो। यस हप्ताको शुरुमा पुटिनले युक्रेनमा थप ठूला स्ट्राइकहरूको आवश्यकता नरहेको बताएका थिए ।
पुटिनले अधिकांश तोकिएका लक्ष्यमा प्रहार भएको बताउँदै देशलाई ध्वस्त पार्ने आफ्नो उद्देश्य नरहेको बताएका थिए ।
