रुसको येस्कस्थित भवनमा लडाकु विमान ठोक्कियो, कम्तीमा चारको मृत्यु
हाम्रा कुरा
प्रकाशित २०७९ कार्तिक १ मंगलबार
1.4k
Shares
काठमाडौं । युक्रेनको सीमा नजिकै रहेको दक्षिणी रुसी सहर येस्कमा एउटा आवासीय भवनमा एक सुपरसोनिक लडाकु विमान ठोक्किएर अपार्टमेन्ट ब्लकमा आगो लाग्दा कम्तीमा चार जनाको मृत्यु भएको छ।
सामाजिक सञ्जालमा रहेको फुटेजमा सोमबार नौ तले भवनबाट ठूलो आगो बलेको देखाइएको छ। स्वास्थ्यमन्त्री मिखाइल मुरास्कोले तीन जनाको मृत्यु भएको र १९ जना घाइते भएको राज्य सञ्चालित समाचार एजेन्सीले तासलाई जनाएको छ।
थप ६ जना बेपत्ता रहेको स्थानीय अधिकारीहरुले जनाएका छन् ।
आपतकालीन अवस्था मन्त्रालयले यसअघि ६ जनाको मृत्यु भएको बताएको थियो । विसंगतिको कारण तत्काल स्पष्ट भएको छैन।
सो विमानको सुखोई एसयू–३४ हो । विमान दुर्घटना हुनु अघि चालक दल बाहिर निस्कन सफल भएको रक्षा मन्त्रालयले जनाएको छ।
