-
-
-
-
पोखरा । ट्रयाक एण्ड फिल्ड क्विन जयरानी थारुले नवौं राष्ट्रिय खेलकुदमा पाँच वटा स्वर्णपदक जितेकी छिन् । एथलेटिक्सका ५ इभेन्टमा त्रिभुवन आर्मीकी जयरानीले ५ स्वर्ण पदक जितेकी हुन् ।
उनले सिंगलमा ३ तथा टिम इभेन्टमा २ स्वर्ण जितेकी हुन् । ४ सय मिटर महिला हडल्स, १ सय मिटर महिला हडल्स, महिला लङजम्पतर्फ सिंगल र ४ सय मिटर रिले दौड र १६ सय मिटर रिले दौडमा जयरानीसहितको टिम विजयी भयो ।
४ सय मिटर हडल्स, १ सय मिटर हडल्स र लङजम्पमा जयरानीले नयाँ राष्ट्रिय कीर्तिमान कायम गर्न सफल भएकी छिन् ।
