काठमाडौं। बेलायतको इतिहासमै सबैभन्दा छोटो समय ४५ दिनमा पदबाट राजीनामा दिने प्रधानमन्त्री बेनकी लिज ट्रसको आलोचित एवं असफल कार्यकालपछि बेलायतले फेरि अर्काे प्रधानमन्त्री छान्ने भएको छ ।

बेलायतको नयाँ प्रधानमन्त्रीका लागि नाम दर्ता आउँदो सोमबार सकिनेछ । प्रधानमन्त्री एवं सत्तारुढ कन्जरभेटिभ पार्टीको नेता अथवा लिडर हुनका लागि नाम दर्ता गराउन १०० भन्दा बढी सांसदको हस्ताक्षर चाहिनेछ । त्यसो हुँदा तीन जना भन्दा बढीले नाम दर्ता गर्न पाउने छैनन् । किनकि कन्जरभेटिभ दलका कुल सांसद नै ३५७ रहेका छन् ।

यद्यपि, सम्भवत दुई या सबैको सहमतिमा एक जना मात्रैले पनि नाम दर्ता गराएमा पार्टीका सदस्यहरुको मत बिना नै  प्रधानमन्त्री छानिन सक्नेछ । अहिलेसम्म कसैले पनि नाम दर्ता गराइसकेका छैनन् । 

बेलायतको आउँदो आम निर्वाचन सन् २०२५ को जनवरीसम्ममा हुनेछ । त्यतिञ्जेल सत्तारुढ दल कन्जरभेटिभ नै रहनेछ । तर विपक्षी दलले कन्जरभेटिभ भित्र धेरै उतारचढाव भएकाले आम निर्वाचनको माग गरिरहेको छ । प्रधानमन्त्री छान्न पार्टी सदस्यहरुले अनलाइन मत खसाल्न सक्छन् ।

ट्रसलाई प्रतिस्थापन गर्न सम्भावित नयाँ प्रधानमन्त्रीका उम्मेदवार यी हुन सक्छन् :

सुनक

ऋषि सुनक यस ग्रीष्मको शुरुमा बोरिस जोनसनलाई प्रतिस्थापन गर्न लिज ट्रससँगको दौडमा थिए ।

ट्रससँगको प्रतिस्पर्धाका क्रममा उनले ट्रसले लागु गरेको नीतिहरुले अर्थतन्त्रमा संकट ल्याउने चेतावनी दिइसकेका थिए । तर, पनि सुनकले २१ हजार मतले हार व्यहोरेका थिए । यसैले सुनक एक बलिया बेलायतका सम्भावित नयाँ प्रधानमन्त्री हुन्।

सन् २०१५ मा रिचमण्डको नर्थ योर्कशायर निर्वाचन क्षेत्रबाट सांसद बनेका सुनक बेलायतका पूर्व अर्थमन्त्रीसमेत हुन् ।

जोनसन

सन् २००८ मा लण्डनको मेयर भएर राजनीतिमा आएका पूर्व पत्रकार बोरिस जोनसनले डेभिड क्यामरुन र थेरेसा मेलाई पछि पार्दै भारी मतान्तरले आफु प्रधानमन्त्री बनेका थिए ।

जोनसन ब्रेक्सिट जनमत संग्रहको अनुहार थिए र देशका केही भागहरूमा भोट जितेका थिए जसले पहिले कहिल्यै कन्जरभेटिभलाई मतदान गरेका थिएनन् ।

५८ वर्षीय जोनसन शनिबारसम्म बेलायत फर्किरहेका छन् भने युगोभ सर्वेक्षणमा उनी ट्रस भन्दा बढी रुचाइएका छन् । यसअघि महिनौंको आलोचनापछि उनले प्रधानमन्त्रीबाट राजीनामा दिएका थिए र ट्रस प्रधानमन्त्री बनेकी थिइन् ।

वालेस

बेलायतका रक्षा मन्त्री भर्खरैको राजनीतिक उथलपुथलबाट उभिएका केही मन्त्रीहरूमध्ये एक हुन् जसको विश्वसनीयता बढेको छ। 

वालेस, एक पूर्व सैनिक, जोनसन र ट्रस दुबैका लागि रक्षा मन्त्री थिए, जसले युक्रेनमा रूसको आक्रमणको विश्वव्यापी प्रतिक्रियामा बेलायतको निर्णायक भूमिकाको नेतृत्व गरेका छन् ।

पार्टीका सदस्यहरूमाझ लोकप्रिय उनले यस वर्षको सुरुमा आफू नेतृत्वको लागि उम्मेदवारी नदिने बताउँदै आफ्नो वर्तमान काममा ध्यान केन्द्रित गर्न चाहने भन्दा धेरै जना चकित परेका थिए । यद्यपि अहिले उनले प्रधानमन्त्रीका लागि इच्छा देखाएका छन् ।

मोरडन्ट

पूर्व रक्षा मन्त्री पेन्नी मोरडन्ट युरोपेली संघ छोड्ने एक जुझारु समर्थक थिइने । हाल क्याबिनेट सदस्य रहेकी ४९ वर्षीय मोरडन्ट यसअघि बेलायतको प्रधानमन्त्री बन्ने दौडमा टप आठसम्म पुगेकी थिइन् ।

मोरडन्ट यो चुनावी दौडमा अघिल्लो सरकारको भूमिकामा प्रभावहीन भएको आरोप लागेर आलोचित बनेकी थिइन् ।

हालैको आर्थिक उथलपुथलको बारेमा संसदमा विपक्षी लेबर पार्टीबाट तत्काल प्रश्नको जवाफ दिन ट्रसको सट्टामा उनलाई सोमबार पठाइएपछि मोर्डन्टको प्रोफाइल यस हप्ता बढेको छ ।

बाडेनोच

अन्तर्राष्ट्रिय व्यापार मन्त्री केमी बेडनोच हालैको प्रधानमन्त्रीको दौडमा अन्तिम चारमा पुगेका थिए।

पार्टीको राईटसँग लोकप्रिय बाडेनोचले स्वतन्त्र बजार र सीमित सरकारको कुरा गर्छन् । पछिल्लो पटक बाडेनोचले प्रमुख पूर्व क्याबिनेट मन्त्री माइकल गोभको समर्थन जितेका थिए।        ब्रेभरम्यान

लिज ट्रसभन्दा एक दिन कम कार्यभार सम्हाल्ने पूर्व आन्तरिक मन्त्री सुएला ब्रेभरम्यान कन्जरभेटिभ राईटको प्रियको रूपमा उभिएकी छिन् ।

उनले आफ्नो कार्यालयमा रहेको केही हप्ताहरूमा अध्यागमन, पुलिस र अपराधमा कडा कुरा गरेर आफ्नो प्रोफाईल बलियो बनाएकी छन् ।