-
-
-
-
काठमाडौं । अफ्रिकाको सबैभन्दा ठूलो ताल भिक्टोरियामा प्रेसिजन एयरको विमान दुर्घटना भएको छ । तान्जानियाको बुकोबा विमानस्थलमा अवतरण गराउने क्रममा विमान तालमा खसेको हो ।
दुर्घटनामा परी १९ जनाको मृत्यु भएको छ भने २६ जनालाई अस्पताल भर्ना गरिएको छ । विमानमा ४९ जना यात्रु सवार रहेको दाबी गरिएको छ । खराब मौसमका कारण दुर्घटना भएको बताइएको छ । विमानस्थल र तालको दुरी नजिकै रहेको छ।
विमानस्थलमा अवतरणका लागि झर्दै गर्दा विमान पानीमा डुबेको देखेको विमानस्थलमा रहेका प्रत्यक्षदर्शीले बताएका छन् ।
राजधानी दार एस सलामबाट उडान भरेको विमान आँधी र भारी वर्षाका कारण भिक्टोरिया तालमा दुर्घटनाग्रस्त भएको तान्जानिया ब्रोडकास्टिङ कर्पोरेशन (टीबीसी) ले जनाएको छ।
