नेभाडा जितेसँगै अमेरिकी सिनेटमा डेमोक्र्याटहरूको नियन्त्रण कायम
हाम्रा कुरा
प्रकाशित २०७९ कार्तिक २७ आइतबार
716
Shares
काठमाडौं । अमेरिकी राष्ट्रपति जो बाइडेनको पार्टी डेमोक्र्याटले नेभाडा राज्यमा कडा प्रतिस्पर्धात्मक दौड जित्दै सिनेटमा आफ्नो नियन्त्रण कायम राखेको छ ।
एसोसिएटेड प्रेस समाचार एजेन्सीले शनिबार नेभाडा राज्यमा डेमोक्रेटिक सिनेटर क्याथरिन कोर्टेज मास्टोले जितेको उल्लेख गरेको थियो ।
रिपब्लिकन प्रतिद्वन्द्वी एडम लाक्साल्टमाथि उनको विजयले डेमोक्र्याटहरूलाई प्रभावकारी बहुमतका लागि आवश्यक ५० सीटहरू प्रदान गरेको छ ।
नेभाडाको नतिजाले निर्णय गरेसँगै अब, जर्जियामा मात्र दुवै पार्टीहरू अब, एक सिनेट सीटको लागि प्रतिस्पर्धा गर्दै छन् ।
डेमोक्र्याटका वर्तमान सिनेटर राफेल वार्नकले डिसेम्बर ६ मा रिपब्लिकन प्रतिद्वन्द्वी हर्शेल वाकरसँग प्रतिस्पर्धा गर्नेछन् ।
वार्नकको जित भएमा डेमोक्र्याटको बहुमत ५१ र रिपब्लिकनको ४९ हुनेछ । प्रतिनिधिसभाको मतगणना जारी रहँदा अहिलेसम्मको नतिजाले रिपब्लिकनहरुले बहुमत प्राप्त गर्ने देखिएको छ ।
