जी-२० शिखर सम्मेलनपछि म्याक्रोँले पुटिनलाई फोन गर्ने

हाम्रा कुरा

प्रकाशित २०७९ कार्तिक २९ मंगलबार

नुसा दुआ । फ्रान्सेली राष्ट्रपति इमानुयल म्याक्रोँले बालीमा हुने जी-२० शिखर सम्मेलनपछि आफ्ना समकक्षी भ्लादिमिर पुटिनलाई फोन गर्ने म्याक्रोँनिकट एक फ्रान्सेली अधिकारीले बताएका छन् ।

युक्रेनमाथिको आक्रमणका कारण पुटिन ‘एक्लो’ भएको बताउँदै ती अधिकारीले भने, ’म्याक्रोँले जी-२० पछि उनलाई फोन गर्नुहुने छ ।

यता संयुक्त राष्ट्रसङ्घका महासचिव एन्टोनियो गुटेर्रेसले युक्रेनबाट सुरक्षित रूपमा खाद्यान्न ढुवानी गर्न रुससँग भएको सम्झौता विश्वको खाद्य सुरक्षाका लागि महत्वपूर्ण रहेको बताएका छन् ।

इन्डोनेसियाको बाली टापुमा जी-२० शिखर सम्मेलनको पूर्वसन्ध्यामा आयोजित पत्रकार सम्मेलनमा उनले भने, “विश्वका धेरै ठाउँमा अनिकाल र भोकमरी हुन नदिन हामीले तत्काल कदम चाल्नु आवश्यक छ ।

‘ब्ल्याक सी ग्रेन इनिसियटिभ’ युक्रेनी तथा रूसी खाद्यान्न र मल विश्व बजारमा प्रवाहित हुन सकोस् भन्ने सुनिश्चित गर्ने प्रयास विश्व खाद्य सुरक्षाका लागि अत्यावश्यक छ ।