काठमाडौं । इन्डोनेसियाको बालीमा मंगलबार (आज) देखि जारी विश्वका प्रमुख २० अर्थतन्त्रहरु( जी-२०)को शिखर सम्मेलनमा रुस र युक्रेनले शान्ति वार्ताका लागि समस्या निम्त्याएको आरोप लगाएका छन् ।

 जी-२० सम्मेलनमा मोदी र ऋषि सुनकबीच भेट

जी-२०का नेताहरूले तयार पारेको एक प्रस्तावित मस्यौदाले युक्रेनमा रुसी आक्रमण र यसले विश्वव्यापी अर्थतन्त्रमा पार्ने प्रभावको कडा निन्दा गरेको छ ।

जी-२० शिखर सम्मेलनका क्रममा रूसका विदेश मन्त्री सेर्गेई लाभरोभले मास्कोसँग वार्ता पुन: शुरु गर्न युक्रेनको सर्तहरू 'अवास्तविक' भएको बताएका छन् ।

'मैले फेरि भने कि सबै समस्याहरू युक्रेनी पक्षसँग छन्, जसले स्पष्ट रूपमा वार्तालाई अस्वीकार गर्दैछ र स्पष्ट रूपमा अवास्तविक शर्तहरू राख्दैछ,' लाभरोभले पत्रकारहरूसँग बोल्दै भनेका छन् । उनले फ्रान्सेली राष्ट्रपति इमानुएल म्याक्रोनसँगको भेटमा पनि यस्तै विषय राखेका थिए ।

 अमेरिका उठ्ने, चीन लड्ने खेल हुनुहुँदैन: जी-२० सम्मेलनमा सी चिनफिङ

इन्डोनेसियाको बालीमा भएको यस पटकको जी-२० शिखर सम्मेलनको पहिलो दिनको वार्तामा युक्रेन युद्ध प्रमुख विषय रहेको थियो ।

यस्तै लागरोभले शिखर सम्मेलनमा पत्रकारहरूसँग बोल्दै संयुक्त राष्ट्रले उनलाई विश्व बजारमा रूसी अन्न र मल निर्यात गर्न बाधाहरू हटाउन अमेरिका र ईयूले लिखित प्रतिज्ञा गरेको बताएको छ ।

पश्चिमी प्रतिबन्धहरूले अन्न र मलहरूमा प्रत्यक्ष असर नगरे पनि मास्कोले महिनौंदेखि प्रतिबन्धकै कारण बन्दरगाह, वित्त र बीमामा पहुँच सीमित भएर प्रभावकारी रूपमा अन्न निर्यातको पहलले गती लिन नसकेको गुनासो गर्दै आएको छ ।

 दुई विश्व शक्तिका राष्ट्रपतिबीच बालीमा भेटवार्ता

उता संयुक्त राष्ट्र मानव अधिकार कार्यालय (ओएचसीएचआर)ले द्वन्द्वका क्रममा रुस र युक्रेन दुवै पक्षले युद्धबन्दीहरूलाई विद्युतीय झटका र जबरजस्ती नग्नता प्रयोग गरी यातना दिएको बताएको छ।

संयुक्त राष्ट्र युक्रेनमा आधारित अनुगमन टोलीले द्वन्द्वका प्रत्येक पक्षका १०० भन्दा बढी युद्धबन्दीहरूसँगको अन्तर्वार्ताका आधारमा आफ्नो निष्कर्ष निकालेको हो ।