- सुन चाँदी दर
- विनिमय दर
- नेपाली पात्रो
- राशिफल
काठमाडौं । उत्तर कोरियाले शुक्रवार अन्तरमहादेशीय ब्यालिस्टिक मिसाइल (आईसीबीएम) प्रहार गरेको जापानका अधिकारीहरूले बताएका छन् ।
जापानका रक्षामन्त्री यासुकाजु हामादाले ६,००० किलोमिटरको उचाइमा पुगेको उक्त मिसाइल १५,००० किलोमिटरसम्मको दुरी पार गर्न सक्ने क्षमताको भएको बताएका छन् ।
उत्तर कोरियाबाट यो दुरी भनेको अमेरिकी मुख्यभुमिसम्म पुग्ने दायरा हो । उत्तर कोरियाले हानेको यो क्षेप्यास्त्र एक हजार किलोमिटरको एंगल बनाएर होक्काइडोको उत्तरी प्रान्तको ओशिमा ओशिमा टापुबाट करिब २ सय किलोमिटर पर खसेको जापानी अधिकारीहरूले बताएका छन् ।
'हामीले स्वाभाविक रूपमा उत्तर कोरियाको विरुद्ध कडा विरोध दर्ता गराएका छौं, जसले अभूतपूर्व आवृत्तिको साथ आफ्नो उक्साहट दोहोर्याएको छ,' जापानी प्रधानमन्त्री फुमियो किशिदाले थाइल्याण्डमा पत्रकारहरूसँग बोल्दै भनेका छन्।
उनी अहिले त्यहाँ एशिया(प्रशान्त आर्थिक सहयोग शिखर सम्मेलनमा सहभागी रहेका छन्। 'हामीले (प्योङयाङ) लाई भनेका छौं कि हामी त्यस्ता कार्यहरू पूर्ण रूपमा सहन सक्दैनौँ,।'
दक्षिण कोरियाको रक्षा मन्त्रालयले पनि क्षेप्यास्त्रलाई सम्भावित आईसीबीएमको रूपमा वर्णन गरेको छ, जुन आणविक हतियार बोक्न बनाइएको हो ।
यसअघि बिहीबार मात्रै उत्तर कोरियाले छोटो दूरीको ब्यालेस्टिक मिसाइल प्रहार गरेको थियो । यस वर्ष दक्षिण कोरियासँग मिलेर अमेरिकाले कोरियाली प्रायद्धिपमा आफ्नो सक्रियता बढाइरहेका विरुद्ध उत्तर कोरियाले दजर्नाैं मिसाइल प्रहार गर्दै आएको छ ।