-
-
-
-
स्याङजा । स्याङ्जाको वालिङ नगरपालिका वडा नं. १ खहरेस्थित मीनबहादुर हिताङको घरमा आज मंगलबार बिहान विद्युत सर्ट भई आगलागी भएको छ । सो आगलागीमा परि तीन जना घाइते भएका छन् ।
घाइते हुनेमा स्थानीय २८ वर्षीया सुनिता हिताङ, उनकै छोरीद्वय ७ वर्षीया आशिमा हिताङ र १८ महिनाकी छोरी यमरोजिया हिताङ छन् ।
घाइते तीनै जनाको वालिङस्थित प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय स्याङ्जाले जनाएको छ ।
आगलागी हुँदा नगद, लत्ताकपडा, फर्निचर, सुनका गहना लगायतको सामान जलेर नष्ट भएको प्रहरीले जनाएको छ ।
प्रहरी, स्थानीय बासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको बताएको छ ।
