-
-
-
-
काठमाडौं । अमेरिकाको भर्जिनियास्थित चेसापीकमा रहेको वालमार्टमा मंगलबार राति गोलीबारी हुँदा दश जना भन्दा बढीको मृत्यु भएको त्यहाँका स्थानीय अधिकारीहरुले बताएका छन् ।
गोलीबारी गर्नेको समेत मृत्यु भएको र अन्य थुप्रै व्यक्तिहरु घाइते भएको चेसापीक शहरले सामाजिक सञ्जाल ट्विटरबाट जानकारी दिएको छ ।प्रहरी विभागका प्रवक्ता लियो कोसिन्स्कीले एक संक्षिप्त पत्रकार सम्मेलनमा प्रहरीले राति १० बजे गोली चलेको खबर पाएको बताएका छन् ।
कति जनाको मृत्यु भएको थियो भन्ने स्पष्ट नभए पनि कोसिन्स्कीले १० जनाभन्दा बढी मारिएको बताएका छन् ।
प्रहरीले भने कुनै गोली नचलाएको उनको भनाइ छ ।
