-
-
-
-
पोखरा । गत आइतबार पोखराको फेवातालमा बेपत्ता भएकी युवती मृत अवस्थामा भेटिएकी छन् । पोखरा महानगरपालिका वडा नं. २२ स्थित फेवातालमा शुक्रबार उनको शव भेटिएको जिल्ला प्रहरी कार्यालय कास्कीले जनाएको छ ।
उक्त शव रामेछाप घर भई काठमाडौं बस्दै आएकी २५ वर्षीया अस्मिता खत्रीको भएको कास्की प्रहरी प्रवक्ता प्रहरी नायव उपरीक्षक सुन्दर तिवारीले जानकारी दिए ।
प्रहरीले दिएको जानकारी अनुसार अस्मिता गत आइतबार फेवातालमा डुङ्गामा चढिरहेको अवस्थामा लाइफ ज्याकेट खोली एक्कासी तालमा हाम फालेकी थिइन् ।
वडा प्रहरी कार्यालय बैदाम र डिएम गोताखोरसमेतको संयुक्त टोलीले खोजी गर्ने क्रममा शुक्रबार उनको शव फेला पारेको प्रहरीले जनाएको छ ।
