- सुन चाँदी दर
- विनिमय दर
- नेपाली पात्रो
- राशिफल
काठमाडौं । मेलम्ची नदीमा पानीको बहाव घटबढ हुन सक्ने भन्दै स्थानीयवासीलाई सतर्कता अपनाउन मेलम्ची खानेपानी विकास समितिले आग्रह गरेको छ । एक सूचनामार्फत समितिले मेलम्चीको पानी पथान्तरणको कार्य शुरु भएकाले पानीको बहाव घटबढ हुनसक्ने भन्दै सतर्क रहन आग्रह गरेको हो ।
सुरुङ प्रवेश मार्गबाट जुनसुकै समयमा पानी झर्न सक्ने भएकाले सावधानी अपनाउन आग्रह गरेको समितिले जनाएको छ । यस्तै उक्त स्थानहरूमा माछा मार्न, वस्तु भाउ चराउन, खेतीपाती गर्न तथा अन्य जुनसुकै काम गर्न जाँदा विशेष सावधानी अपनाउनसमेत सूचित गरिएको छ ।
सरकारले पुसमै मेलम्चीको पानी काठमाडौंवासीलाई खुवाउने घोषणा गरेको थियो । सोहीअनुसार मेलम्ची सुरुङमा पानी छाडिएको छ ।