२०२२ मा युरोपमा रुसी एलएनजी ग्याँसको आयात ४२ प्रतिशतले बढ्यो
हाम्रा कुरा
प्रकाशित २०७९ मंसिर १४ बुधबार
342
Shares
काठमाडौं । युरोपियन युनिय (ईयु)ले सन् २०२२ को जनवरीदेखि अक्टोबरको बीचमा रुसी तरल प्राकृतिक ग्याँस (एलएनजी)को आयात गत वर्षको तुलनामा ४२ प्रतिशतले बढी गरेको छ ।
युरोपले रुसबाट गत वर्ष १७.८ अर्ब घनमिटर (बीसीएम)को तुलनामा यस वर्ष ६२.१ अर्ब घनमिटर (बीसीएम) प्राकृतिक ग्याँस आयात गरेको छ।
नेदरल्याण्ड, बेल्जियम, फ्रान्स र स्पेन जस्ता युरोपेली राष्ट्र आयातकर्ताको सूचीमा शीर्ष स्थानमा छन्।
रुस–युक्रेन द्वन्द्व सुरु भएको नौ महिनाभन्दा बढी भइसकेको छ । पश्चिमा विशेष गरी युरोपेली महादेशले आक्रामक रूपमा यसले रुसी ऊर्जामा आफ्नो निर्भरता घटाउने भन्दै आएको छ ।
यद्यपि यसको विपरीत आयातमा तीव्र वृद्धिले युरोप दुवै ग्यालरीहरू खेल्न इच्छुक रहेको सङ्केत गरेको छ। पश्चिमले रुसी कम्पनीहरू र अन्य निर्यातहरूमा प्रतिबन्ध लगाएको छ तर, ऊर्जा र उपयोगिता कम्पनीहरूलाई सचेत रूपमा बेवास्ता गरेको छ।
विज्ञहरू रुसी एलएनजीमा बढ्दो निर्भरताले युरोपेलीहरूलाई सताउन सक्ने भन्दै आएका छन्। किनकि रुसले आफ्नो ऊर्जालाई युरोपेली प्रतिबन्धविरुद्ध प्रयोग गर्न सक्ने सङ्केत गरेको छ ।
जाडोयाम आइपुगेका बेला मास्कोले एलएनजीको आपूर्ति बन्द गर्ने निर्णय गरेमा युरोपेली मुलुकहरूले केही महिना अँध्यारो, चिसो र अन्धकारमा बिताउनु पर्नेछ ।
