-
-
-
-
काठमाडौं । मंसिर ४ मा सम्पन्न निर्वाचनको समीक्षाका गर्न नेकपा एमालेले केन्द्रीय कार्यालयको बैठक डाकेको छ ।
बैठक आज अपराह्न १ बजेबाट ललितपुरको च्यासलस्थित पार्टी केन्द्रीय कार्यालयमा बस्दै छ ।
एमालेका प्रचार विभाग उपप्रमुख विष्णु रिजालका अनुसार बैठकले निर्वाचन समीक्षाका साथै पार्टीको सचिवालय, स्थायी कमिटी, पोलिटब्यूरो र केन्द्रीय कमिटी बैठकबारे समेत छलफल गर्नेछ ।
उनले निर्वाचनको समीक्षाका लागि चाँडै नै पार्टीका विभिन्न तहका बैठक बोलाइने बताए ।
एमाले प्रतिनिधिसभाको प्रत्यक्ष निर्वाचनमा ४४ सिटमा विजयी भएको छ भने समानुपातिकतर्फ पहिलो दल बनेको छ ।
