-
-
-
-
काठमाडौं । अमेरिकी तल्लो सदन हाउस प्रतिनिधिमा बहुमत पाएको रिपब्लिकन पार्टीका नेता केभिन म्याकार्थीले सभामुखको मतदान फेरि असफलता हात पारेका छन् ।
प्रतिनिधिसभा सभामुख चयन गर्न असफल भएसँगै अमेरिकी संसद् दोस्रो दिनका लागि समेत सभामुख विहीन भएको छ । यसअघि सन् १९२३ मा मात्रै अमेरिका सभामुख विहीन भएको थियो ।
बुधवारको छैटौँ चरणको मतदानमा म्याककार्थीका चरम दक्षिणपन्थी विपक्षीले विपक्षमै मत हाल्न जारी राखेका हुन् ।
म्याककार्थीलाई सभामुख हुन आवश्यक २१८ मतमध्ये २०१ मत मात्रै प्राप्त भयो । २० दक्षिणपन्थी रिपब्लिकनहरूले अर्का प्रतिद्वन्द्वी बायरन डोनाल्ड्सलाई मत हाले ।
उता, डेमोक्र्याटहरू भने आफ्नो उम्मेदवार हाकिम जेफ्रीसकै समर्थनमा छन्, उनले २१२ मत पाए । सभामुख चयनमा अबको स्थिति कस्तो बन्छ भन्ने कुरा आउँदो छलफल, प्रतिस्पर्धा र मतदानले देखाउनेछ ।
