-
-
-
-
पोखरा । पोखराको माथिल्लो दीपमा आज बिहान करेन्ट लागेर एक किशोरको ज्यान गएको छ। ज्यान गुमाउनेमा पोखरा महानगरपालिका वडा नं. १ माथिल्लो दीप का १९ वर्षका श्रम गुरुङ रहेका छन् ।
गण्डकी प्रदेश प्रहरी कार्यालय पोखराका अनुसार घरको छतमा नजिकैको हाईटेन्सन लाइनको करेन्ट लागेर गुरुङको मृत्यु भएको हो ।
साढे दुई तलाको घरको छतमा जानेक्रममा करेन्ट लागेर गुरुङ गम्भीर घाइते भएका थिए ।
उनलाई तत्कालै उद्धार गरि उपचारका लागि मणिपाल शिक्षण अस्पताल लगिएकोमा चिकित्सकले मृत घोषणा गरेको बताइन्छ ।
घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
