-
-
-
-
काठमाडौं । पूर्व प्रधानन्यायाधीश चोलेन्द्र शमशेर जबरा गएपछि कायममुकाय प्रधानन्यायाधीश हरिकृष्ण कार्की सरकारी निवास छिरेका छन्।
कायममुकाय प्रधानन्यायाधीश कार्की बुधबार सरकारी निवास बालुवाटार सरेका छन् । उनले गत असोज १५ गतेदेखि कामु प्रधानन्यायाधीशका रूपमा न्यायपालिकाको काम सुरु गरेका थिए ।
पूर्व प्रधानन्यायाधीश जबराले गत मङ्सिर २८ गतेदेखि निवास छाडेको भए पनि मर्मत सम्भारको काम भएका कारण कार्की सरकारी निवासमा बुधबार सरेको सर्वोच्च अदालतका प्रवक्ता विमल पौडेलले जानकारी दिए ।
तत्कालीन प्रधानन्यायाधीश जबरामाथि महाभियोगको प्रस्ताव दर्ता भएपछि पनि उनी सरकारी निवासमै थिए । उनको अनिवार्य अवकाश भएपछि उक्त भवन खाली भएको थियो ।
