-
-
-
-
काठमाडौं। पाकिस्तानको पेशावरमा रहेको एक मस्जिदमा भएको विस्फोटमा १७ जनाको मृत्यु भएको छ भने कम्तीमा ९० जना घाइते भएका छन् । विष्फोट पूजास्थल भित्र भएको हो वा बाहिर भएको हो भन्ने अझै स्पष्ट हुन सकेको छैन ।
प्रारम्भिक जानकारी अनुसार विस्फोट मस्जिदभित्र भएको बताइएको छ। विस्फोट जोहरको नमाजपछि भएको र मस्जिदको एउटा भाग भत्किएको बताइएको छ।
सुरक्षा अधिकारीहरूले आत्मघाती आक्रमणकारी प्रार्थनाको क्रममा अगाडिको लाइनमा रहेको र उसले आफैंलाई विस्फोट गराएको बताएका छन्। घाइते मध्ये १३ जनाको अवस्था गम्भीर रहेको बताइएकाे छ।
आक्रमण भएको क्षेत्र पूर्ण रूपमा सिल गरिएको छ र एम्बुलेन्सलाई मात्र प्रवेश अनुमति छ।
