-
-
-
-
काठमाडौं । ६४ वर्षीया वृद्धालाई बोक्सीको आरोप लगाई कुटपिट गर्नेलाई ओखलढुङ्गा जिल्ला अदालतले कैद सजायको फैसला गरेको छ ।
ओखलढुङ्गाको मोलुङ गाउँपालिका-१ की वृद्धालाई बोक्सीको आरोप लगाई कुटपिट गर्ने ५० वर्षका दीपक विश्वकर्मा, २७ वर्षकी मुना विश्वकर्मा र एक १७ वर्षका नाबालिकालाई अदालतले कैद सजायको फैसला तोकेको हो ।
जिल्ला अदालतका न्यायाधीश टिकाराम आचार्यको एकल इजलासले दीपकलाई छ वर्ष कैदसहित ६० हजार रुपियाँ जरिवाना र मुनालाई पाँच वर्ष कैदसहित ५० हजार रुपियाँ जरिवानाको फैसला गरेको छ । नाबालिकाको हकमा उनका अभिभावक झिकाई वास्तविक अवस्था बुझी बाँकी कारबाहीको प्रक्रिया अगाडि बढाइने छ ।
उक्त वृद्धालाई २०७५ वैशाख ८ गते दीपक, मुना र ती बालिकाले बोक्सीको आरोप लगाई कुटपिट गरेका थिए ।
