-
-
-
-
काठमाडौं । अब एउटा संसदले टुंगोमा पुर्याउन नसकेको महाभियोगको मुद्दा अर्को संसदले पनि हेर्ने भएको छ । प्रतिनिधि सभा नियमावली मस्यौदा समितिको आज सिंहदरबारमा बसेको बैठकमा एउटा संसद्मा नटुंगिएको महाभियोग प्रस्ताव अर्को संसद्मा लैजान सांसदहरूले सहमति गरेका हुन् ।
सांसदहरू प्रतिनिधि सभाको कार्यकाल पाँच महिना भन्दा कम भएर महाभियोग टुङ्ग्याउन नसके निर्वाचनपछि आउने संसद्ले स्वीकार्नु पर्नेमा सहमत भएका हुन् ।
आजको छलफलमा संसद्मा महाभियोग लागिसकेको अवस्थामा टुंगोमा पुर्याउने व्यवस्था नियमावलीमा हुनुपर्ने माग सांसदहरूले गरेका थिए । तत्कालीन प्रधानन्यायाधीश चोलेन्द्रशमशेर जबरा विरूद्धको महाभियोग अहिले पनि संसद् सचिवालयमा विचाराधीन छ ।
