-
-
-
-
काठमाडौँ। नेपाल र भारतको महिला राष्ट्रिय फुटबल टोलीबीचको दुई अन्तर्राष्ट्रिय मैत्रीपूर्ण खेल बराबरी टुंगिएको छ । भारतको चेन्नईको जवहारलालनेहरु स्टेडियमा शनिबार भएको दोस्रो खेल गोलरहित बराबरीमा टुंगिएको थियो।
यसअघि बुधबार भएको पहिलो मैत्रीपूर्ण खेल २–२ को बराबरीमा टुंगिएको थियो ।
नेपाल र भारत दुवैले महिला ओलम्पिक छनोटको पहिलो राउन्डको खेलको तयारी स्वरुप मैत्रीपूर्ण खेल खेलेका हुन् । छनोटको पहिलो राउन्डमा नेपाल समूह ‘सी’ मा रहेको छ । नेपाल रहेको समूहमा भियतनाम, प्यालेस्टाइन र अफगानिस्तान रहेको छ । भारत रहेको समूह ‘जी’ मा तुर्कमिनिस्तान र किर्गिस्तान छन् । ओलम्पिक छनोट अप्रिलमा हुँदैछ ।
