चिनियाँ राजदूतको सक्रियता बढ्यो, माधव नेपाललाई पनि भेटे
हाम्रा कुरा
प्रकाशित २०७९ फागुन १० बुधबार
1.7k
Shares
काठमाडौं । नेकपा एकीकृत समाजवादीका अध्यक्ष माधवकुमार नेपाल र नेपालका लागि नवनियुक्त चिनियाँ राजदूत छेन सङबिच भेटवार्ता भएको छ ।
बुधवार बिहान प्रधानमन्त्री पुष्पकमल दाहाल प्रचण्डसँग भेट गरेका चिनियाँ राजदूत सङले अपरान्ह नेकपा एसका अध्यक्ष नेपालसँग भेटवार्ता गरेका हुन ।
‘कोटेश्वरस्थित अध्यक्ष नेपालको निजी निवासमा भएको भेटमा अध्यक्ष नेपालले नयाँ राजदूतलाई स्वागत गर्दै कार्यकाल सफलताको शुभकामना दिनुभयो,’ नेपालका सहयोगी मोहन गौतमले जानकारी दिए ।
उनका अनुसार राजदूतको रूपमा नेपाल आउन पाउॅदा खुशी लागेको बताउॅदै आफ्नो कार्यकालमा सबैबाट सहयोगको अपेक्षा गरेको बताएका थिए ।
दुवै नेता बिच नेपाल चीन सम्बन्ध र द्विपक्षीय हितका विविध विषयमा कुराकानी भएको नेपालको सचिवालयले जानकारी दिए ।
नेपालको सचिवालयले यो विषय बाहिर ल्याएको भए पनि राष्ट्रपतिको विषयमा भएको कुराकानी भने उनले बाहिर ल्याएनन् ।
चिनियाँ राजदूतले गत शुक्रबार एमाले अध्यक्ष केपी शर्मा ओलीलाई भेटेका सङले त्यसयता निरन्तर कम्युनिष्ट नेताहरुलाई भेटिरहेका छन् ।
विशेषगरी उनीहरुसँग उनले कम्युनिष्टबाटै राष्ट्रपति बन्नुपर्नेमा जाड दिएको विभिन्न स्रोतले बताएका छन् ।
राष्ट्रपतिको उम्मेदवारी दिने दिन फागुन १३ गते आउँदै गर्दा चिनियाँ राजदूतको सक्रियता बढेको हो ।
