राष्ट्रपतिमा रामचन्द्रलाई भोट दिने स्पष्ट पार्दै राउतले भने – जनमत सरकारबाट बाहिरिँदैन
हाम्रा कुरा
प्रकाशित २०७९ फागुन १६ मंगलबार
978
Shares
काठमाडौं । जनमत पार्टीका अध्यक्ष चन्द्रकान्त (सीके) राउतले आफ्नो पार्टी सरकारबाट नबाहिरिने बताएका छन् । पार्टीको भ्रातृ सङ्गठन ‘विद्यार्थी जनमत सङ्घ’को आज कोटेश्वरमा भएको केन्द्रीय बैठक तथा प्रशिक्षणपछि सञ्चारकर्मीसँग कुराकानी गर्दै उनले जनमत पार्टीका लागि अहिले सरकार छोड्नुपर्ने परिस्थिति नरहेको बताए ।
“अहिले सरकारबाट बाहिरिने कुनै त्यस्तो परिस्थिति बनेको छैन । अरू पार्टीको माग पूरा नभएर बाहिरिएका होलान्”, अध्यक्ष राउतले भने ।
अध्यक्ष राउतले सरकारमा सामेल भएका दलहरु फेरिने भए पनि वर्तमान नेकपा माओवादी केन्द्र नेतृत्वको सरकार नफेरिने उल्लेख गरे । उनले आगामी राष्ट्रपतिको निर्वाचनमा नेपाली कांग्रेसका वरिष्ठ नेता रामचन्द्र पौडेललाई समर्थन गर्ने स्पष्ट पारे ।
