- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको मुम्बईस्थित नेशनल बर्नस् सेन्टरमा उपचाररत नेपाली कांग्रेसका नेता चन्द्र भण्डारीको स्वास्थ्यमा सुधार आइरहेको छ । सो अस्पतालमा उपचार थालेको २२ औं दिनसम्म आइपुग्दा उनको पछिल्लो अवस्था अनुसार शरीरका सबै पारामिटर सामान्य रहेका छन् ।
परामर्श चिकित्सक डा. शिल्पा केश्वनीले स्थानीय समयअनुसार साँझ ६ं३० बजे दिएको जानकारी अनुसार अक्सिजनको मात्रा दुई लिटरमा झारिएको छ । फिजियोथेरापी पनि भएको छ ।
त्यस्तै कोलमी गरिएको छालाले राम्रो प्रतिक्रिया दिएको छ । डा. भण्डारीको स्वास्थ्यमा राम्रो सुधार भइरहेको छ । अस्पताल प्रशासन र चिकित्सकहरुले भेटघाटमा प्रतिबन्ध लगाएका छन् ।
डा. सुनील केश्वानीले कोलमी गरेको स्थानहरुको अवलोकन र मूल्यांकनपछि केही ठाउँको सर्जरी शनिबार वा सोमबार गर्ने बताएको अस्पतालबाट डा. भण्डारीका दाजुले जानकारी दिएका छन् ।
फागुन ३ गते राति काठमाडौंको घरमा ग्यास सिलिन्डर लिक हुँदा आगलागीमा परी गम्भीर घाइते भएका डा. भण्डारी फागुन ४ गतेदेखि मुम्बईस्थित नेशनल बर्नस् सेन्टरमा उपचाररत छन् ।
सो घटनामा परी उनकी आमाको भने फागुन ४ गते बिहान निधन भएको थियो ।