-
-
-
-
काठमाडौं । उपराष्ट्रपति निर्वाचनमा जसपाका तर्फबाट महिला उम्मेदवार रहेकी प्रमिला कुमारी यादवले उम्मेदवारी फिर्ता लिएकी छन् । यादवले पार्टीकै तर्फबाट उठेका रामसहायप्रसाद यादवलाई समर्थन गर्ने भन्दै उम्मेदवारी फिर्ता लिएकी हुन् ।
उनले रामसहाय यादव उपराष्ट्रपति पदका लागि सक्षम र योग्य उम्मेदवार रहेको बताउँदै आफू उपराष्ट्रपति पदको उम्मेदवार नरहेको उल्लेख गरेकी छन् ।
निर्वाचन आयोगले दिएको अन्तिम समय सिमासम्म पनि उनले उम्मेदवारी फिर्ता नलिएपछि मतपत्रमा भने उनको नाम रहनेछ । अन्तिम नामावली सूचीमा उनको नाम प्रकाशित भइसकेको छ ।
योसँगै आगामी चैत ३ गते हुने उपराष्ट्रपति निर्वाचनका लागि तीन जना उम्मेदवार मैदानमा रहनेछन् ।
अब जसपाबाट रामसहायप्रसाद यादव, एमालेबाट अष्टलक्ष्मी शाक्य बोहरा र जनमत पार्टीकी ममता झा उपराष्ट्रपतिको उम्मेदवार रहेका छन् ।
