- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुसी लडाकू विमानले अमेरिकी ड्रोन खसालेको छ । रुसी लडाकू विमानहरूले बुधबार काला सागरमा अमेरिकी ड्रोन एमक्यू-९ रिपरलाई खसालेका हो ।
योसँगै दुई देशबीच टकराबको अवस्था सिर्जना भएको छ । रुसी लडाकू विमान र अमेरिकी ड्रोन काला सागरमा परिक्रमा गर्दा उक्त घटना भएको अमेरिकाको दाबी छ ।
अमेरिकाले दुई रुसी एसयू-२७ लडाकू विमानले पहिले अमेरिकी ड्रोनलाई घेरा हालेर माथिबाट इन्धन खसाले र काला सागरमा खसालिएको दाबी गरेको छ ।
अमेरिकी वायुसेनाका जनरल जेम्स ह्याकरले रुसको कार्यलाई अत्यन्तै गैरजिम्मेवारपूर्ण र उत्तेजकको संज्ञा दिएका छन् ।
अर्कोतर्फ रुसले अमेरिकाको आरोप अस्वीकार गरेको छ । रुसले लडाकू विमानहरू कुनै पनि अमेरिकी ड्रोनसँग सम्पर्कमा नआएको बताएको छ ।