-
-
-
-
काठमाडौं । नेकपा एमालेले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने निर्णय गरेको छ । अहिलेको अवस्थामा प्रचण्ड सरकारलाई विश्वासको मत दिन नसकिने एमाले संसदीय दलले निर्णय गरेको हो ।
एमाले संसदीय दलको बैठकमा एमाले अध्यक्ष केपी शर्मा ओलीले प्रचण्डलाई विश्वासको मत दिन नसक्ने बताएका थिए । प्रधानमन्त्री प्रचण्डले सोमबारको संसद बैठकमा विश्वासको मत लिँदै छन् ।
‘प्रचण्डमा कुनै पनि प्रकारको इमानदारी देखिएन, वामपन्थी सरकार बनाएकै भोलिपल्ट बटारिनु भयो’, संसदीय दलको बैठकमा ओलीको भनाई उद्यृत गर्दै एक सांसदले भने ।
वामपन्थी सरकार भत्काएर अर्कोतिर गठबन्धन बनाएकाले उनलाई विश्वासको मत दिन नसकिने एमालेको जिकिर छ ।
