मोदी थरलाई गाली गरेको आरोपमा राहुल गान्धीलाई दुई वर्ष जेल सजाय
हाम्रा कुरा
प्रकाशित २०७९ चैत ९ बिहिबार
857
Shares
तस्बिर – फाइल ।
काठमाडौं । भारतीय कंग्रेस आईका नेता राहुल गान्धीलाई मानहानि घटनामा दोषी ठहर गरिएको छ । उनलाई ‘सबै चोरको थर मोदी किन हुन्छ ?’ यही बयानमा जोडिएर उनलाई सुरत अदालतले बिहीबार दोषी ठहर गरेको हो ।
यो फैसलाको २७ मिनेटपछि उनलाई अदालतले दुई वर्षको जेल सजाय तथा १५ हजार भारु जरिवानासमेत गरेको छ ।
यसको केही समयपछि गान्धीलाई ३० दिनका लागि अदालतले जमानत पनि दिएको छ । सुनुवाइका क्रममा राहुल गान्धी अदालतमा उपस्थित भएका थिए ।
सजाय पाउना साथ उनले महात्मा गान्धीको भनाइ – ‘मेरो धर्म सत्य र अहिंसामा आधारित छ । सत्य मेरो भगवान हो, अहिंसा त्यसबाट पाएको साधन’ भनेका थिए ।
अदालत बाहिर विधायक लगायतका समर्थकहरुले भारत माता कि जय तथा जय श्रीरामको नारा लगाएका थिए ।
राहुललाई आईपीसीको धारा ४०० र ५०० अनुसार दोषी घोषित गर्दै दुई वर्षको जेल सजाय तोकिएको हो । राहुलका वलिकले भने कम भन्दा कम सजाय दिन अपील गरेका थिए ।
