काठमाडौं । लामो समयको रस्साकस्सीसँगै सरकार विस्तारका लागि दश दलीय गठबन्धनमा सहमति जुटेको छ । बुधबार प्रधानमन्त्री निवास बालुवाटारमा बसेको गठबन्धन दलहरुको बैठकले मन्त्रालय बाँडफाँटको टुंगो लगाएको हो ।
भागबण्डाअनुसार नेपाली कांग्रेसलाई ८ मन्त्रालय, माओवादी केन्द्रलाई ५ मन्बालय तथा नेकपा एकीकृत समाजवादी र जनता समाजवादी पार्टि जसपालाई समान २–२ मन्त्रालय दिने सहमति भएको छ ।
त्यस्तै लोकतान्त्रिक समाजवादी पार्टी लोसपा, नागरिक उन्मुक्ति, आमजनता पार्टी, जनमत र नेसपालाई समान १–१ मन्त्रालय भागमा परेको छ ।
योअनुसार राष्ट्रिय स्वतन्त्र पार्टी भने हाललाई सरकार बाहिरै रहने भएको छ । उसले कुनै भाग पाएको छैन ।
कुन दललाई कुन मन्त्रालय दिने भन्नेबारे यकिन भइसकेको छैन । बिहीबार नै मन्त्रिपरिषद् विस्तार गरी मन्त्रीहरूलाई शपथग्रहण पनि गराउने तयारी भएको जनाइएको छ ।
मन्बालयको टुङ्गो नलागे पनि त्यसको अधिकार भने प्रधानमन्त्री पुष्पकमल दाहाल प्रचण्डले आफूलाई दिन आग्रह गरेको बैठकमा सहभागी एक नेताले बताए ।
