-
-
-
-
काठमाडौं । भारतीय जनता पार्टी (भाजपा) ४३ वर्षको भएको छ । सन् १९८० को अप्रिल ६ मा भाजपाको स्थापना भएको थियो । आज स्थापना दिवसको अवसरमा भाजपाले यस दिनलाई विशेष बनाउने भएको छ ।
भाजपा नेताहरुले आज सबै बुथमा पार्टीको नारा लेख्दैछन् । राष्ट्रिय अध्यक्ष जेपी नड्डाले दिल्लीको एक बुथमा गएर भित्तामा नारा लेख्नेछन् ।
प्रधानमन्त्री नरेन्द्र मोदीले बिहान ९ः४५ बजे कार्यकर्ताहरुलाई भर्चुअल सम्बोधन गर्नेछन् । १० लाख ठाउँमा भाषणको स्क्रिनिङ हुनेछ । पार्टीले आफ्ना सबै सांसदहरुलाई संसदमा रहनका लागि भनेको छ ।
भाजपाले आजदेखि डा. भीमराव अंबेडकरको जयन्ती १४ अप्रिलसम्म मनाउने भएको छ ।
