-
-
-
-
काठमाडौं । आज जनता समाजवादी पार्टी (जसपा) ले केन्द्रीय कार्यकारिणी समितिको बैठक बोलाएको छ । बैठक बिहान ११ बजे बस्दै छ ।
सरकारमा सहभागी हुने मन्त्रीको नाम टुङ्गाउन जसपाले बैठक बोलाएको हो । आज बस्ने जसपा केन्द्रीय कार्यकारिणी समिति बैठकले मन्त्रीको नाम सिफारिस गर्नेछ ।
बैठकपछि मात्र जसपाले सरकारमा सहभागी हुने मन्त्रीको टुङ्गो लगाउने छ ।
बैठकमा सरकारमा सहभागिता, पार्टीको विधान अधिवेशन लगायतका विषयमा छलफल गरिने कार्यकारिणी समिति सदस्य शिवलाल थापाले बताए ।
दुई मन्त्रालय पाएको जसपाबाट अहिले सरकारमा एक जना मात्र मन्त्री सहभागी छन् । जसपाले शिक्षा मन्त्रालयमा अशोक राईलाई पठाएको छ ।
बाँकी रहेको अर्को मन्त्रालयमा कसलाई पठाउने भन्ने विषयमा जसपाले टुङ्गो लगाउन बाँकी छ । अर्को मन्त्रालयमा उपनिर्वाचनबाट फेरि सांसद बनेका पार्टी अध्यक्ष उपेन्द्र यादव आफै उपप्रधान सहित जाने सम्भावना छ ।
