-
-
-
-
काठमाडौं । मित्रराष्ट्र भारतको भ्रमणमा जानु अघि प्रधानमन्त्री पुष्पकमल दाहाल ‘प्रचण्ड’ ले राष्ट्रपति रामचन्द्र पौडेललाई भेट गरेका छन् । आज बिहान राष्ट्रपति भवन शीतल निवास पुगेर प्रधानमन्त्री प्रचण्डले राष्ट्रपति पौडेललाई भेट गरेका हुन् ।
सो भेटमा प्रधानमन्त्री प्रचण्डले आजदेखि हुने आफ्नो भारतको औपचारिक भ्रमणबारे जानकारी गराएका थिए । चार दिने औपचारिक भ्रमणका लागि प्रधानमन्त्री आज भारत जाँदै छन् । प्रधानमन्त्री नेपाल वायुसेवा निगमको जहाजबाट दिउँसो १:२५ बजे भारत प्रस्थान गर्नेछन् ।
प्रचण्डसँगै भ्रमणमा ६ जना मन्त्री, मुख्यसचिव र ८ जना सचिवसहित भारत जानेछन् । प्रधानमन्त्री नेतृत्वको प्रतिनिधिमण्डल यही जेठ २० गते साँझ स्वदेश फर्कने छ ।
