हामीले नेपालमा उत्पादन गरेको नेता बढाएको मात्र हो – चित्रबहादुर केसी
हाम्रा कुरा
प्रकाशित २०८० जेठ २४ बुधबार
1.1k
Shares
काठमाडौं । राष्ट्रिय जनमोर्चाका अध्यक्ष चित्रबहादुर केसीले देशमा विकास भएको भनेको नेता उत्पादन नै भएको बताएका छन् ।
प्रतिनिधि सभाको बैठकमा बोल्दै सांसद केसीले भने, ‘हामीले नेपालमा उत्पादन गरेको भनेको नेता बढाएको मात्र हो । मन्त्री बढाएको मात्र हो । सांसद बढाएको मात्र हो ।’
उनले खर्च घटाउन मन्त्री र सांसद घटाउनु पर्नेमा जोड दिएका छन् । उनले संघीयता खारेज गर्नसमेत आग्रह गरेका छन् ।
केसीले खुर्सानी, आलु र प्याजको कर बढाएर सरकारले नालायक काम गरेकोसमेत बताएका छन् ।
उनले सत्तामा रहँदा साथ सबैले राम्रो देख्ने र प्रतिपक्षमा बस्दासाथ नराम्रो देख्ने बानी रहनुले दुःख दिएको बताए ।
उनले आफूलाई त आफ्ना जिल्लावासीले काम नगर्ने सांसद भनेर चिनिएको बताएका छन् ।
उनले बजेटको समर्थन गर्दै उनले भने, ‘अब कसरी अगाडि बढ्नु हुन्छ त्यो त अर्थमन्त्रीज्यूको कुरा भयो ।’
