-
-
-
-
रुपन्देही । लामो समयपछि आएको मनसुन यतिबेला देशका विभिन्न स्थानमा भारी वर्षा हुँदै आएको छ । जसका कारण पहाडमा पहिरो र तराईमा डुबानको खतरा बढ्दै गएको छ ।
यसैक्रममा गएरातिदेखि लुम्बिनी प्रदेशको रुपन्देहीसहितका जिल्लाहरुमा अविरल वर्षा भइरहेको छ ।
वर्षाका कारण बुटवलस्थित रहेको तिनाउ नदीमा शनिबार बिहान ८ बजेसम्म बाढीले सतह पार गरेको बुटवल जलमापन केन्द्रले जनाएको छ ।
केन्द्रका अनुसार जलसतहले खतराको घण्टी बजाएको र तिनाउ नदीको माथिल्लो जलाधार क्षेत्रमा थप वर्षा भइरहेकाले नदी तटीय क्षेत्रमा बस्ने स्थानीयलाई बिहान १० बजेसम्म सुरक्षित स्थानमा जान आग्रह गरेको छ ।
