काठमाडौँ । सञ्जीव मानन्धर प्राइम कमर्सियल बैंकको कायममुकायम प्रमुख कार्यकारी अधिकृत (सीईओ) मा नियुक्त भएका छन् ।
बैंकको बुधबार बसेको सञ्चालक समितिको बैठकले मानन्धरलाई कामू सीईओ नियुक्त गरेको हो ।
बैंकका सीईओ नारायणदास मानन्धरको कार्यकाल मंगलबारदेखि सकिएपछि मानन्धरलाई बुधबारदेखि कामू सीईओ नियुक्त गरिएको हो ।
उनलाई अर्को व्यवस्था नभएसम्मका लागि कामू सीईओको जिम्मेवारी दिएको बैंकले जनाएको छ ।
कामू सीईओको जिम्मेवारी पाउनुअघि मानन्धर बैंकका महाप्रबन्धक थिए ।