सिप्रदी “ईन्टर्रन्यासनल ट्रेलब्रेजर अफ द इयर” अवार्डबाट सम्मानित
हाम्रा कुरा
प्रकाशित २०८० असोज १९ शुक्रबार
2.4k
Shares
काठमाडौँ। भारतको प्रख्यात अटो मोबाइल कम्पनी टाटा मोटर्सले बार्सिलोना, स्पेनमा आयोजना गरेको “डिलर बिज्नेस प्लानिङ्ग मिट २०२३” मा सिप्रदी ट्रेडिङ्ग प्रालिलाई “ईन्टर्रन्यासनल ट्रेलब्रेजर अफ द इयर” बाट सम्मानित गरेको छ।
विश्वका ५२ वटा देशका प्रतिनिधिहरूको सहभागिता रहेको उक्त सम्मेलनमा सिप्रदीको गत वर्ष नेपालमा नम्बर १ ब्रान्डको सफलतालाई सम्मान गर्दै अवार्ड प्रदान गरिएको हो। सिप्रदीको तर्फबाट सिइओ राजन बाबु श्रेष्ठ तथा सिओओ राजेश प्रसाद गिरीले उक्त कार्यक्रममा सम्मान ग्रहण गरेका थिए।
पछिल्लो समय टाटा मोटर्स नेपालले ईभी तथा आइसिई दुवै क्षेत्रमा सबैभन्दा ठूलो बजार हिस्सा ओगटेको छ। साथै नेपालमा दीर्घकालीन रूपमा विद्युतीय सवारी साधनको बजार स्थापना गर्न अग्रणिय भूमिका खेल्दै आएको छ। त्यसको फलस्वरूप अहिले टाटाका विद्युतीय गाडीहरू ग्राहकको पहिलो रोजाइमा परेको देख्न सकिन्छ। सोही कार्यको मूल्याङ्कन गर्दै सिप्रदीले बार्सिलोनामा उक्त सम्मान प्राप्त गरेको हो।
हाल टाटा मोटर्सको नेपालमा नम्बर १ ईभी-नेक्सन ईभी, टिगोर ईभी र हालै नाडा अटोसोमा सार्वजनिक भएको टियागो ईभी बिक्री वितरण भइरहेका छन्। त्यसै गरी आईस सेगमेन्टमा सफारी, एच फाइब, नेक्सन, पन्च, टिगोर, टियागो लगायतका गाडीहरू बिक्री वितरण भइरहेका छन्।
