एसियाली पारा खेलकुदमा दुर्गामान १२ औँ

हाम्रा कुरा

प्रकाशित २०८० कार्तिक ८ बुधबार

काठमाडौँ । नेपालका दुर्गामान तामाङ चौथो एसियाली पारा खेलकुद अन्तर्गत पावर लिफ्टिङमा समग्रमा १२ औँ भएका छन् । १२ खेलाडी नै सहभागी भएकामा उनी पुछारमा रहे ।

चीनको हाङझावस्थित एक्सएससी जिम्न्याजियममा भएको पुरुष ७२ केजी मुनि समूह ‘बी’ मा दुर्गाले पहिलो लिफ्टमा ८५ केजी भार वहन गरे ।

दोश्रो र लिफ्टमा उनले समान ९१–९१ केजी वजन उठाउने प्रयास गरेका थिए । तर उनी सफल भएनन् । यदि उनले ९१ केजी वजन उचाल्न सफल भएको राष्ट्रिय कीर्तिमान हुने प्रशिक्षक सञ्जय महर्जनले जनाएका छन् । उनकै नाममा ९० केजीको राष्ट्रिय कीर्तिमान छ ।