-
-
-
-
काठमाडौँ । अर्जेन्टिनी फुटबल स्टार लिओनल मेस्सीले टाइम म्यागजिनको ‘एथ्लेट अफ दि इअर’ अवार्ड जितेका छन् ।
गत जुलाईमा अमेरिकाको इन्टर मायमीमा अनुबन्ध भएका मेस्सीकै उत्कृष्ट प्रदर्शनमा सो क्लबले लिग्स कपको उपाधि जितेको थियो । उपाधि क्लबकै इतिहासमा पहिलो थियो ।
उनले सबैखाले प्रतियोगितामा गरी १४ खेलमा ११ गोल गरेका थिए ।
अक्टोबरमा उनले आठौँ पटक बालोन डे’ओर अवार्डसमेत जितेका थिए । मेस्सीकै नेतृत्वमा अर्जेन्टिनाले सन् २०२२ को विश्वकप जितेको थियो ।
