काठमाडौँ। नेपाल एसोसिएसन फर सफ्टवेयर एण्ड आईटी सेवा कम्पनीहरू (नास आईटी) एसिया-प्यासिफिक आईसीटी गठबन्धनको सदस्य बनेको छ। आईसीटीको सदस्य बन्ने नास आईसीटी सत्रौँ सदस्य हो।
एसिया प्यासिफिक आईसीटी एलायन्सले आफ्नो प्रतिष्ठित वार्षिक पुरस्कार कार्यक्रममार्फत विश्व बजारको लागि प्राविधिक आविष्कार र घरेलु आईसीटी समाधानहरूको विकासलाई प्रवर्द्धन गर्ने लक्ष्य राखेको बताएको छ।
एलायन्स त्यस्तो एक सम्मानित फोरम हो जसले यो क्षेत्रका असाधारण आईसीटी उपलब्धिहरूलाई सम्मान गर्दछ । यो सदस्यताले नास आईटीको लागि अन्तर्राष्ट्रिय सञ्जाल र ज्ञान-साझेदारीका अवसरहरू साथै एपीआईसीटीए आईसीटी अवार्डहरूमा सहभागिताको लागि ढोका खोलेको नास आईटीले जनाएको छ।
प्रविधि असीमित रुपले फस्टाएको युगमा यस सम्बन्धले विश्व आईसीटी क्षेत्रमा नेपालको स्थिति बलियो बनाउने विश्वास लिइएको छ। यो साझेदारीले नेपालको आईसीटी उत्पादनहरूलाई नवप्रवर्तन, अन्तर-सांस्कृतिक आदानप्रदान र देशको प्राविधिक विकासलाई प्रवर्द्धन गर्ने क्षेत्रीय सदस्य अर्थतन्त्रहरूसँग प्रतिस्पर्धा गर्न सक्षम बनाउने छ।
अन्तर्राष्ट्रिय मान्यतासँगै नेपाली आईटी कम्पनीहरूले लगानी र बजार विस्तारका विभिन्न अवसरहरू पाउने छन्। नास आईटीका अध्यक्ष रिचन श्रेष्ठले भने, “एसिया प्यासिफिक आईसीटी एलायन्सको सदस्यको हैसियतमा हामी यस सक्रिय समुदायको हिस्सा बन्न र यो प्लेटफर्म प्रयोग गरेर हाम्रो देश र फराकिलो एसिया दुवैको हितलाई अगाडि बढाउन चाहन्छौँ । यो नेपालको प्राविधिक शक्ति बढाउनको लागि हाम्रो लागि महत्वपूर्ण कदम हो ।”
.jpeg)
.jpeg)
