-
-
-
-
काठमाडौँ । पाकिस्तानको दक्षिणी बन्दरगाह शहर कराँचीमा रहेको एउटा भवनमा सोमवार ग्यास सिलिण्डर बिस्फोट हुँदा कम्तीमा तीन जनाको मृत्यु भएको छ ।
साथै अन्य १२ जना गम्भीर घाइते भएको उद्धार सेवाले जनाएको छ ।
उद्धार संस्था ईधी फाउण्डेसनका एक अधिकारी सलमान नसीरले बताएअनुसार माछार कोलोनी क्षेत्रमा नयाँ ग्यास सिलिण्डर दुई तले आवासीय भवन मुनि रहेको सिलिण्डरको पसलमा सार्ने क्रममा दुर्घटना भएको हो ।
बिस्फोट लगत्तै भवन अचानक भग्नावशेषमा परिणत भएको थियो ।
स्थानीयहरूले तत्काल दुर्घटनास्थलमा फसेका मानिसहरूलाई उद्धार गरेको र उद्धारकर्मीहरूले १५ जनालाई बाहिर निकालिएको बताइएको छ ।
