-
-
-
-
काठमाडौँ । बगदादमा ड्रोन आक्रमणमा मारिएकाहरूको बिहीबार साँझ अन्तिम संस्कार गरिएको छ ।
इराकी अर्धसैनिक हशद शाबी बलका सयौँ सदस्यहरू र नागरिकहरूले इराकी संसद्का सदस्यहरू हशद शाबी सेनाका नेताहरू, धर्मगुरुहरू र आदिवासी शेखहरू लगायतका शवयात्रामा भाग लिएका थिए ।
पूर्वी बगदादमा बिहीबार भएको ड्रोन आक्रमणमा हस्द शाबी सेनाका तीन सदस्यको मृत्यु हुनुका साथै पाँच जना घाइते भएको आन्तरिक मन्त्रालय स्रोतले जनाएको छ ।
बगदादको पूर्वी भागमा रहेको प्यालेस्टाइन स्ट्रिटमा रहेको हशद शाबीको १२ औँ ब्रिगेडको मुख्यालयमा अज्ञात ड्रोनबाट आक्रमण भएको थियो ।
जसमा ब्रिगेड नेता तालिब अल-साइदी, उनका एक सहयोगी र एक लडाकुको मृत्यु भएको थियो ।
