अमेरिकामा बदमासहरूले हिन्दू मन्दिरको भित्तामा लेखे खालिस्तान सम्बन्धी नारा
एजेन्सी,
प्रकाशित २०८० माघ २१ आइतबार
457
Shares
तस्बिर : फाइल
क्यालिफोर्निया। अमेरिकामा खालिस्तान समर्थक बदमास तत्त्वहरूले एउटा हिन्दू मन्दिरलाई निशाना बनाएका छन्। यी तत्त्वहरूले उक्त मन्दिरको भित्तामा हिन्दु विरोधी नारा लेखेर सामाजिक सद्भावमा चोट पुर्याउने प्रयास गरेका छन्।
उक्त घटना क्यालिफोर्नियाको नेवार्क सहरको हो। नेवार्क पुलिसले घटनाको गहन जॉंचको आश्वासन दिएको छ।
यस घटनासित सम्बन्धित सचित्र विवरण हिन्दू अमेरिका फाउण्डेशनले सोशिय मिडिया प्लेटफर्म एक्समा साझा गरेको छ। यसमा स्वामी नारायण मन्दिरका भित्ताहरूमा लेखिएका नाराहरू देख्न सकिन्छन्। हिन्दू अमेरिका फाउण्डेशनले यस घटनाको जॉंच 'घृणा अपराध' को रूपमा गरिनु पर्ने माग गरेको छ। मन्दिरसित सम्बन्धित मानिसहरूले नेवार्क पुलिस र न्याय विभागलाई यसको सूचना दिएको छ।
उल्लेखनीय छ की खालिस्तान समर्थकहरूले अमेरिकामा मन्दिरहरूलाई लगातार निशाना बनाइरहेका छन्। अमेरिका अतिरिक्त क्यानडा, ब्रिटेन र अस्ट्रेलियामा पनि यस्तै घटना भइसकेका छन्। क्यानडाका धेरै सहरहरूमा खालिस्तान समर्थकहरूले हिन्दू मन्दिरको मेन गेटमा पोस्टर टॉंसेर आतङ्की हरदीप सिंह निज्जरको समर्थन गरेका थिए।
